13 oC 
Güneşli
رژێمی داگیرکەر دەیان فەلەستینی لە هەڵمەتەکانیدا بۆ سەر چەند شارێکی کەناری ڕۆژئاوا دەستبەسەر کرد.
رژێمی داگیرکەر شەوی ڕابردوو و بەرەبەیانی ئەمڕۆ هێرشێکی بەرفراوانی لە شارە جۆربەجۆرەکانی کەناری ڕۆژئاوا ئەنجامدا و گەنجانی دەستبەسەر کرد.
سەرلەبەیانی ئەمڕۆ هێزەکانی رژێمی داگیرکەر هەڵیکوتایە سەر کەمپی ئەلعەین لە ڕۆژئاوای شاری نابلوس و گەنجێکی بە ناوی عەبدوڵڵا ڕەمەزان دەستبەسەر کرد. کچێک لە ئۆتۆمبێلێکدا کە بە ئەنقەست جیپی ڕژێم لێیدابوو، بریندار بوو. هەروەها ژمارەیەکی زۆر لە خەڵک لە هێرشەکانی دیکەی شارەکەدا دەستبەسەر کران.
لە میانەی هێرشەکەدا لە گەڕەکی ڕۆژهەڵاتی تولکەرم، گەنجێکی فەلەستینی بە گولڵە تەقەی لە قاچی کرا و گواسترایەوە بۆ نەخۆشخانە.
لە هێرشێکی بەرفراواندا بۆ سەر شارۆچکەی سوریف لە شاری ئەلخەلیل لە کاتی بەرەبەیاندا، رژێمی داگیرکەر چەند کەسێکی دەستبەسەر کرد. هەروەها مەحمود ئەحمەدی ئەلجەباری لە نزیک گۆڕستانی ئەلراس دەستبەسەر کرابوو.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەپێی بەیاننامەیەکی نووسینگەی پارێزگاری کارۆلینای باکوور لە ئەمریکا، زریانی ئێرین بە خێرایی لە کەنارەکانی کاریبیەوە بەرەو کەنارەکانی ڕۆژهەڵاتی ئەمریکا دەڕوات.
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٣ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٢٦٩ کەس کە ١١٢یان منداڵن.
عەزیز نەسیرزادە، وەزیری بەرگریی ئێران لە دوای شەڕی ١٢ ڕۆژەی کە بە هێرشەکانی رژێمی سەهیۆنی دەستی پێکرد، ڕایگەیاند کە مووشەکی نوێیان بەرهەم هێناوە کە زۆر پێشکەوتووترە لە مۆدێلەکانی پێشووتر.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٢ هەزار و ١٢٢ کەس و ژمارەی بریندارەکانیش گەشتە ١٥٦ هەزار و ٧٥٨ کەس.
